د ابن سینا د څېړنې او پراختیا مؤسسې او د افغانستان اسلامي امارت د اوبو او انرژۍ محترمې وزارت ترمنځ د همکارۍ د هوکړه لیک لاسلیک
د ابن سینا د څېړنې او پراختیا مؤسسې (ISRDO) او د افغانستان اسلامي امارت د اوبو او انرژۍ محترمې وزارت ترمنځ د همکارۍ هوکړه لیک د ۱۴۴۶ هـ.ق کال د جمادي الثاني میاشتې په ۱۲مه نېټه چې د ۱۴۰۳ هـ.ش د لیندۍ د ۲۴مې سره برابره وه، د یو رسمي مراسمو په ترڅ کې د یادې محترمې وزارت په مرکز کې لاسلیک شو.
په دې مراسمو کې د افغانستان اسلامي امارت د اوبو او انرژۍ محترم وزیر ملا عبدالطیف منصور، د دفتر عمومي رئیس محترم قاري عبدالعزیز عزیز، د پایښت لرونکې انرژۍ عمومي رئیس محترم مولوي عبدالرحمان رحماني، د پانګونې د جلب او جذب رئیس محترم انجنیر داد محمد زرمتی، د وزارت ویاند محترم قاري مطیع الله عابد، او د دې وزارت نور چارواکي د وزارت په استازیتوب ګډون کړی و. همدارنګه د ابن سینا مؤسسې په استازیتوب محترم ډاکټر محمد اکرم عظیمي، محترم انجنیر غلام سخي حسن زاده، محترم سید عظیم حسيني، محترم انجنیر محمد داوود عظیمي، محترم میرویس پوپل، محترم انجنیر عبدالفتاح روفي، محترم ډاکټر محمد فرهاد ځاځی، محترم ډاکټر محمد فواد ځاځی او د ابن سینا مؤسسې د مرکزي دفتر مسؤلینو ګډون کړی و.
مراسم د قرآن کریم د څو مبارکو آیتونو په تلاوت چې د ابن سینا مؤسسې د مرکزي دفتر غړي محترم رضوان الله اسحق زي وړاندې کړل، پیل شول.
د مراسمو تفصیل
د اجندا مطابق، محترم انجنیر محمد داوود عظیمي د ابن سینا د څېړنې او پراختیا مؤسسې په اړه لنډ معلومات وړاندې کړل. نوموړي د وزارت له رهبرۍ او مسؤلینو څخه مننه وکړه چې د هوکړه لیک په ترتیب او تنظیم کې یې هر اړخیزه همکاري کړې او د یادې هوکړه لیک د امضا مراسم یې جوړ کړي دي.
ورپسې، محترم انجنیر غلام سخي حسن زاده د همکارۍ د هوکړه لیک لاسلیک ډېر مهم وګاڼه. هغه وویل چې دا اقدام به د اوبو او انرژۍ په سکتور کې د پرمختګ عملي لارې پرانیزي. هغه زیاته کړه چې د تېرو څلورو لسیزو بېثباتۍ، جګړو او بهرنیو مداخلاتو زموږ د اوبو او انرژۍ سکتور د اړین پرمختګ څخه پاتې کړی دی. په ځانګړې توګه په تېرو شلو کلونو کې بهرنیو ځواکونو او داخلي سیاسي لوبو د انرژۍ سکتور زیات تمرکز په وارداتو اړولی و، پر ځای یې باید د داخلي سرچینو څخه ګټه پورته شوې وای. هغه یادونه وکړه چې دا حالت د افغانستان اقتصادي خپلواکۍ ته زیان اړولی دی.
نوموړي وویل چې اوس د افغانستان د انرژۍ سکتور له یوې داسې کړکېچ سره مخ دی چې موږ ته په میراث پاتې دی. له همدې امله، د دې بحران څخه د وتلو لپاره یې د ابن سینا د څېړنې او پراختیا مؤسسې په استازیتوب مشخص وړاندیزونه وړاندې کړل. هغه زیاته کړه چې د اقتصادي پرمختګ بنسټ په هېواد کې د انرژۍ شتون دی.
محترم حسن زاده یو ځل بیا د هوکړه لیک د اهمیت په اړه ټینګار وکړ او څرګنده یې کړه چې د ابن سینا د څېړنې او پراختیا مؤسسه به په بېلابېلو برخو کې د اوبو او انرژۍ وزارت سره هر اړخیزه همکاري وکړي. هغه وویل چې دا همکاري به نه یوازې د هېواد د انرژۍ تولید زیات کړي، بلکې د اقتصادي خپلواکۍ او ملي رفاه سبب به هم شي.
د CONTRA سافټویر معرفي
په مراسمو کې محترم ډاکټر محمد فرهاد ځاځی د CONTRA په نوم یو ځانګړی سافټویر معرفي کړ چې د ده په لیکنه جوړ شوی دی. نوموړي د دې سافټویر ګټې تشریح کړې چې څنګه کولی شي د سړکونو، برېښنايي کیبلونو، فایبر نوري شبکو او کانالونو لپاره مؤثر، لنډ او ارزانه لارې ومومي. هغه د وخت د محدودیت له امله لنډ معلومات وړاندې کړل.
د هوکړه لیک لاسلیک
وروسته، د افغانستان اسلامي امارت د اوبو او انرژۍ محترم وزیر ملا عبدالطیف منصور د وزارت په استازیتوب او محترم ډاکټر محمد اکرم عظیمي د ابن سینا د مؤسسې په استازیتوب د همکارۍ هوکړه لیک لاسلیک کړ.
د وزیر صاحب وینا
محترم وزیر صاحب ملا عبدالطیف منصور د ابن سینا د مؤسسې د رهبرۍ له هڅو مننه وکړه. هغه د دې مؤسسې د هیواد پالنې جذبه او د تفاهم لیک د ترتیب او امضا لپاره د هغوی کوښښونه وستایل. وزیر صاحب د هوکړه لیک لاسلیک د هېواد لپاره یو مثبت ګام وباله او د اړوندو اقداماتو ترسره کول یې ډېر مهم وبلل.
هغه وویل چې د هېواد په کچه امنیت تامین شوی، او اوس د پرمختګ لپاره پراخه فرصتونه شتون لري. وزیر زیاته کړه چې افغانستان زموږ د ټولو ګډ کور دی، او ټول افغانان باید د دې هیواد په رغونه کې خپل مسؤولیت ادا کړي. هغه وویل چې ځوانان او د هېواد متخصصین باید د خپلې پوهې او تعلیم په کارولو سره د خپلو هیوادوالو لپاره اسانتیاوې رامنځته کړي. وزیر صاحب د انرژۍ د اهمیت په اړه ټینګار وکړ او وویل چې افغانستان باید د داخلي منابعو په کارولو سره د خلکو اړتیاوې پوره کړي.
محترم وزیر زیاته کړه چې د انرژۍ په برخه کې زیاتې چارې ترسره شوي، خو لا هم اړتیا ده چې د داخلي متخصصینو د پوهې او موجودو امکاناتو په کارولو سره نور فعالیتونه ترسره شي